Кем көрмеймін сізді асыл анамнан, Сізге ұқсап қудық бізде сан арман Сіздей адам дүниеде көп болсын, Балалардың бақыты үшін жаралған

Құрметті ұстаздар, оқушылар, ата-аналар! 22 қыркүйек - мектеп парламенті президентінің сайлауы өтті. Сайлауға барлығы 212 оқушы қатысып, нәтижесінде 77 дауыспен 8"А" сынып оқушысы Қоңырова Ару мектеп Президенті болып сайланды. Сайлауға түскен әрбір үміткер мектебіміздің өзін-өзі басқару ұйымының құрамына қабылданды. Құттықтаймыз! Қоңырова Ару үлгілі, өнерлі, белсенді оқушы. Жауапкершілігі мол, мектеп өміріне белсене араласатын, көп балалы, ұйымшыл отбасынан шыққан.

22 қыркүйек - мектеп парламенті президентінің сайлауы күні! ҮМІТКЕРЛЕРГЕ СӘТТІЛІК ТІЛЕЙМІЗ! БАҒЫҢДЫ СЫНА! КӨШБАСШЫЛЫҚҚА ҰМТЫЛ! 

"1 мамыр - Қазақстан халықтарының бірлігі күні" мерекесіне орай оқушыларды Республикалық біріңғай "Жас Ұлан" балалар мен жасөспірімдер ұйымы қатарына қабылдау жиыны. Мақсаты: өскелең ұрпақтың бойында рухани адамгершілік құндылықтары мен патриоттық рухты қалыптастыру. Қанаттарың талмай, өз еліңнің мақтанышы бол ЖАС ҰЛАН!

"Оқуға құштар мектеп" жобасы аясында ұйымдастырылған мектепішілік "Үздік оқырман" байқауы 2-11 сынып оқушыларының арасында қаңтар-сәуір айлары аралығында жүргізілді. Оқушылар өздерінің оқыған шығармалары жайында оқырман күнделігін толтырып, шығарманы оқу кезінде алған әсері мен тәрбиелік мәні жайында жазды. Жеңімпаздар І, ІІ, ІІІ орын мақтау қағаздарымен және үздік жұмыстар "Үздік оқырман" төсбелгісімен марапатталды. 

7 сәуір - Дүниежүзілік денсаулық күніне орай мектебіміздің "Өзін-өзі басқару" ұйымының мүшелері мектеп оқушыларына күн тәртібін дұрыс ұйымдастыру, дұрыс тамақтану, жеке бас гигиенасы, тазалық, коронавирустық инфекциядан сақтану шаралары, зиянды заттар, салауатты өмір салты тақырыптарында жұмыстар жүргізіп, жадынамалар таратты. Сақтық шараларының сақталуын қадағалау барысында рейд ұйымдастырды.

Мектептің "Өзін-өзі басқару" ұйымының ұйымдастыруымен өткізілгелі отырған 8-11 сынып оқушыларына арналған мектепішілік "Жас тілші" қашықтық байқауына қатысып, өзіңнің мүмкіндігіңді көрсет, жүлдегер бол! 

Мектепішілік «Үздік оқырман» қашықтық байқауы. Хабарландыру

Мектебіміздің "Өзін-өзі басқару" ұйымы білім мен тәрбие беруде аянбай еңбек етіп, бар жылуын оқушысына арнаған ардақты ұстаздары мен мектептің қамту қызметкерлерін шұғылалы көктемнің алғашқы мерекесі 8 наурыз Халықаралық әйелдер күні мейрамымен құттықтап, ізгі тілектерін арнады.