"Қазақстан балалары - қысқы ғажайып". Рубрика:"Сәнді-қолданбалы өнер" балалар қолөнерінің онлайн көрмесі. Көрмеге оқушылар қол жетімді материалдардан, маталардан, тастардан, қатты қағаздан т.б материалдардан жасаған заттарын ұсынды.  

Оқушылардың қысқы демалысын ұйымдастыру жоспарына сәйкес 2-4 сынып оқушылары арасында "Қысқы ертегі" тақырыбында онлайн сурет көрмесі ұйымдастырылды. 

Биылғы оқу жылы мектебіміз үшін табысты жыл болды. Осылардың ішінде ерекше маңызы бар - пәндік олимпиада жүлдегерлері. 5-6-сынып оқушылары үшін республикалық олимпиаданың облыстық кезеңінен 6"А" сынып оқушысы Амантаева Мөлдір ағылшын тілінен жүлдегер атанды. Білімді оқушымызды жүлделі ІІІ орын алуымен құттықтаймыз! Пән мұғалімі - балаларға сапалы білім беріп, қабілеті мен дарының шыңдап жүрген білімді ұстаз, ағылшын тілі пәнінің мұғалімі Нуракаева Зульфия Нурахмановна.

Республикалық "Тәуелсіздік-жыр, әнім" балалар мен жасөспірімдер арасындағы өнер байқауының көркем сөз жанры бойынша І орын иегері 10"А" сынып оқушысы Шәкіртова Сананы және жетекшісі Абиленова Мейрамгүл Аленовнаны құттықтаймыз!   

16 желтоқсан - Қазақстан Республикасының Тәуелсіздік күніне арналған мектепішілік іс-шаралар жоспарына сәйкес 2-4 сыныптар арасында "Мен Тәуелсіз елдің ұланымын" тақырыбында қашықтық мәнерлеп оқу сайысы өтті. Сайыстың мақсаты: Оқушыларды мәнерлеп оқуға дағдыландыру. Көркем сөзге үйрету, сөйлеу мәдениетін қалыптастыру. Патриоттық тәрбие беру. 

Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын басшылыққа ала отырып, отбасы құндылықтарын насихаттау, бауырмалдық, қайырымдылық, достық қарым-қатынас қалыптастыру, заманауи жетістіктерге лайықты парасатты тұлғаны анықтау мақсатында ұйымдастырылған "Парасатты отбасы" облыстық байқаудың қалалық кезеңіне мектебіміздің 9"А" сынып оқушысы Шаймарданова Ақеркенің отбасылық видеоролигы жолданып, марапатқа ие болды. Құттықтаймыз!

Мектебіміздің дарынды, өнерлі оқушыларын және музыка пәнінің мұғалімі, "Жайна, СамғаІ" ән-би үйірмесінің жетекшісі Толқынбек Жайнагүлді Республикалық «DARA ZHULDYZ» ONLINE ән байқауына қатысып, жоғары дәрежелі марапатқа ие болғандары үшін құттықтаймыз! 

Мектебіміздің мақтанышы 7"А" сынып оқушысы Ақылбеков Бақтиярды салауатты өмір салтын насихаттауға қосқан үлесі үшін және қалалық "Мы за здоровый образ жизни" қашықтық марафонынан алған марапатымен құттықтаймыз!

Облыстық балалар биологиялық орталығының ұйымдастыруымен өткен қашықтық байқаулардың жеңімпаздары 5"А" сынып оқушысы Габдулина Айдананы және 6"Ә" сынып оқушысы Мукашева Аяулымды ІІ орын алуларымен құттықтаймыз!

2"Ә" сынып оқушысы Дарханқызы, жетекшісі Тоқсанова Назигуль Сабитовна - республикалық ӨНЕР БАЙҚАУЫның "қол өнері" номинациясы бойынша БАС ЖҮЛДЕ алуымен және 5"А" сынып оқушысы Бейсен Каусар, жетекшісі Толеуова Асель Ашимовна - республикалық ӨНЕР БАЙҚАУЫның "көркем сөз" номинациясы бойынша І орын алуымен құттықтаймыз!