2 сәуір – Бүкіләлемдік аутизм жайлы ақпарат тарату күні

2 сәуір күні мектебімізде Бүкіләлемдік аутизм жайлы ақпарат тарату күніне орай бірқатар іс-шаралар ұйымдастырылды. Бұл күннің басты мақсаты – қоғамда аутизм туралы түсінікті арттыру, ерекше білім беру қажеттілігі бар балаларға қолдау көрсету және оларды қоғамға бейімдеуге ықпал ету.
Іс-шара аясында оқушылар мен педагогтарға арналған түсіндіру жұмыстары, тренингтер және тақырыптық көрмелер өткізілді. Сондай-ақ, ата-аналарға арналған кеңестер беріліп, аутизмі бар балалармен жұмыс жасау жолдары түсіндірілді. 
Шара барысында ерекше балаларға деген мейірімділік, түсіністік және қолдау көрсету маңыздылығы ерекше атап өтілді. Мұндай іс-шаралар қоғамда толеранттылықты қалыптастырып, әрбір баланың тең құқықты екендігін насихаттауға бағытталған.